Yo kito cubo jo lagu saluang
Pantun babaleh rancak bunyi nyo
Den baok adiak katukang tanuang
Pautan hati lapeh kironyo
Den baok adiak katukang tanuang
Pautan hati lapeh kironyo
Jikok ba itu uda bakato
Tarimo denai apo adonyo
Bukan nyo denai kurang picayo
Nak mudo kini banyak panduto
Bukan nyo denai kurang picayo
Nak mudo kini banyak panduto
Ambiaklah tali ampai lah kain
Kain banamo kain salendang
Kok banyak bana gadih nan lain
Oi adiak surang nan denai sayang
Kok banyak bana gadih nan lain
Oi adiak surang nan denai sayang
Badan marasai tampak rang sanang
Co iko bana yo parasaian
Bapasan denai yo dalam dendang
Cinto jo garah tolong bedakan
Bapasan denai yo dalam dendang
Cinto jo garah tolong bedakan
Kasiah jo sayang yo tampek hati
Garah jo gurau denai sisiahkan
Oi adiak surang denai sayangi
Usahlah risau yo mamikiakan
Oi adiak surang denai sayangi
Usahlah risau yo mamikiakan
Pantun jo dendang ganti baganti
Diiriang saluang co bagulampek
Jikok lai samo baniak hati
Kasiah jo sayang kito pa arek
Jikok lai samo baniak hati
Kasiah jo sayang kito pa arek
