(verse 1) ~ Jonez
Pengidup kitai kemaya hari
Anang besindir anang ngemenchi
Terima mih ulah siku-siku
Taja enda ngenataika pengerindu
(verse 2) ~ Bjay
Nadai betul nadai mih salah
Sama berunding enggau manah
Ti betul kitai bela ngubah
Awakka pengawa majak gerah
(chorus 1) ~ duet
Idup kitai anang kepapas (Kepapas)
Enti ati nuan amat badas (amat badas)
Sama mansang kitai sama maju
Bela ngerembaika penemu
(chorus 2) ~ duet
Idup kitai anang kepapas (Kepapas)
Buai runding ti ka bebalas (bebalas)
Penemu nuan penemu aku
Segulai tau nyadi siti tuju
# (Rap- JM)
Kitai hidup ba dunya
Anang sumbung anang enggai di rara
Nuan enggau aku nadai beda
Pengaya ukai meruan belama
## (Rap Bjay)
Aram kitai bela sama segulai
Sama singkang sama kitai sejalai
Ati ti kepapas patut di buai
Awakka kaul kitai meruan panjai
(verse 3) ~ Jonez
Anang ngembuan runding penjajah
Semua utai deka di perah
Nuan betul semua orang salah
Tang diri empu enggai berubah
(verse 4) ~ Bjay
Sama kitai bela ngubah ulah
Nerima pengelebih enggau pengurang
Idup ba dunya anang temegah
Labuh tetingkap ti salah singkang
