Lyric Lunuk Ramba - Shanty
Lirik Lagu Shanty - Lunuk Ramba
Balaku ampun bara rata
Tambi bue je mina mama
Pahari biti je tundah kula
Andi ake je ngaju ngawa
Hetuh aku handak nyarita
Nyarita kayu je lunuk ramba
Paham labat je rancak mamua
Rajin kaleka metu satua
Kayu lunuk hajuntai uhat
Batang bajangkah je mangarawat
Bapating ramba badawen labat
Inampuh riwut dia baruat
Lunuk jete sadang kagantung
Rajin kaleka kakare burung
Tingang baliang je burung tiung
Kayu bahalab je puku pukung
Amun katika lunuk mamua
Are dumah metu satua
Dumah bara je ngaju ngawa
Kilau mangguang je uluh pesta
Mamuat labat hajuntai sinde
Are burung dumahkan hete
Hai kurik je uras tege
Cukup macam dia kasene
Buah lunuk masak malendang
Are burung dumah mangguang
Punei tiung je burung tingang
Rami tutu ampi tawarang
Metuh lunuk labat mamua
Are burung dumah kakawa
Awi kakare barapak eda
Metu je hai mahi umba kuma
Awi karamin je burung metu
Handak mangkuma je hasanselu
Are bua sayang manjatu
Metu je kurik are dia dinu
Belah bua je lalau masak
Are manjatu je akan petak
Metu hunjun muhun mangayak
Lepah kina je batisa upak
Bua lunuk batisa isut
Burung metu are baseput
Are je buhau dia kilik likut
Kelau dawen je nampuh riwut
Metu je kurik paham kapehe
Jatun dinun taluh ije ije
Paksa miar je kanih kante
Mangau pangina narai talu je tege
Amun lunuk jadi lepah bua
Pating dawe je maranggas eda
Lalau kadaras metu mangkuma
Metu je hai daras mantaka
Metu je kurik bilang asi asi
Kilau jatun tuah rajaki
