Lyric Nule Bapa - Diana Dje
Lirik Lagu Diana Dje - Nule Bapa
Balaku ampun barata rata
Dengan ketun je tundah kula
Aku handak ngesah sarita
Ngesah aku je nule bapa
Kapasi angat je belum nule
Pehe tutu itung pangkeme
Rancak aku munduk manure
Mahantis nanturu je danum mate
Ikei pahari je uju biti
Due hatue je lime bawi
Belum nule je asi asi
Nyangkelang ketun tundah pahari
Nule bapa je dia mangat
Sama kilau tungket manggatang bahat
Atei kapehe puna babehat
Tirung itung saraba sidat
Due ribu epat belas je kejadian
Peristiwa hai dia kalapean
Bapa induan je awi tuhan
Kapehen atei dia tarasan
Ngasi angat je nule bapa
Nyangkelang ketun je tundah kula
Jatun bandinanga melai dunia
Angat kangasi tuntang kasia
Lalau kea kajeleng tuhan
Manutuh lunuk mamua undan
Bapa induan je awi tuhan
Malihi kare anak jarian
Belum nule je ngasi tutu
Belum nyangkelang je ketun lewu
Jantung atei angat bagetu
Danum mata mahantis nanturu
Metuh bihin je bapa tege
Sanang tutu angat pangkeme
Hakumpul dengan je tambi bue
Pander sarita hureh tatawe
Tapi sana bapa malihi
Batantu angat je benyem sun
Kejau tutu bara karami
Angat mahi je asi asi
Bapa induan bara kalunen
Kapehen atei dia laluen
Ikei manangis je side siden
Nabe ku haluli je tundah kula
Mina mama babuhan bapa
Ela nihau ampin kajenta
Maja marusik kilau biasa
Iyoh kakare je kula tundah
Aluh kilen angat kasusah
Belum nule ela manyarah
Dengan tuhan itah basarah
Meteh ku tinai kula pahari
Aluh belum je asi asi
Keleh itah je giri giri
Rajin sakula pahias bagawi
Metehku tinai pahari kula
Belum nule ela putus asa
Aluh kilen angat kasial
Nyarah pambelum akan hatalla
Aluh nule bapa tatap tege indu
Dengan tuhan aku balaku
Masi pambelum je ikei uju
Mujan berkat je bara ngambu
Nabeku ketun je sama rata
Sampai hetuh auh sarita
Ampun maaf pander sarita
Maklum bewei kambangan jela
Nabeku tinai je tambi bue
Paramisi buli kalunen are
Sampai hetuh sarita tende
Tahiu kesah je anak nule
